కరీంనగర్, వార్తనిధి: కరీంనగర్ లోని విద్యానగర్ లోని రోడ్ నెంబర్ 3సీలో ఉన్న బగళా ప్రత్యంగిరా అనుగ్రహ పీఠం ద్వారా శ్రీ దశమహా విద్యా నవరాత్రోత్సవాలను ఈనెల 24వ తేదీవరకు ఘనంగా నిర్వహించనున్నట్లు కార్యక్రమ నిర్వాహకులు తెలిపారు. దశమహావిద్యా ఉపాసకులు దహగాం శశికాంత్ శర్మ, జంబు సమంత్ కుమార్ శర్మ ఆధ్వర్యంలో జరుగుతున్న ఈ ఉత్సవాలలో భాగంగా అమ్మవారిని మొదటిరోజున కాళిదేవిగా, రెండోరోజు తారాదేవిగా, మూడోరోజున షోడశిగా, నాలుగవ రోజు భువనేశ్వరీ దేవిగా, నేడు త్రిపుర భైరవి దేవిగా పూజించారు.
ఇక నవరాత్రోత్సవాలలో భాగంగా చివరిరో జున వనదుర్గా మహావిద్యా హోమం, దానితో పాటు కలశ ఉద్యాపన, అమ్మవారి నిమ్మజనం చేయనున్నారు. ఈ కార్యక్రమాలకు భక్తులు అధిక సంఖ్యలో విచ్చేసి అమ్మవారి కృపకు పాత్రులవ్వాలని కార్యక్రమ నిర్వాహకులు కోరుతున్నారు.
