కూకట్ పల్లి, వార్తానిధి: కూకట్ పల్లి నియోజకవర్గంలో హ్యాట్రిక్ విజయం సాధిస్తామని ఫతేనగర్ డివిజన్ బిఆర్ఎస్ మహిళా విభాగం అధ్యక్షురాలు గోకరి శిల్ప గౌడ్ ధీమా వ్యక్తం చేశారు. గడప గడపకు వెళ్లి పార్టీ ప్రచారాన్ని నిర్వహిస్తున్న సందర్భంగా ఆమె మాట్లాడుతూ ఫతేనగర్ డివిజనులో కార్పొరేటర్ పండాల సతీష్ గౌడ్ ఆధ్వర్యంలో ప్రచారం జోరందుకుందన్నారు. తమ పార్టీ అభ్యర్థి, సిట్టింగ్ ఎమ్మెల్యే మాధవరం కృష్టా రావు నియోజకవర్గంలో ఎంతో అభివృద్ధి చేశారన్నారు. సీఎం కేసీఆర్ సంక్షేమ పాలన మరోసారి ఘన విజయాన్ని అందిస్తుందన్నారు. బిఆర్ఎస్ కు ఏ పార్టీ పోటీ కాదని స్పష్టం చేశారు. ఈ కార్యక్రమంలో బిఆర్ఎస్ మహిళా నేతలు, కార్యకర్తలు తదితరులు పాల్గొన్నారు.
