కూకట్ పల్లి, వార్తానిధి: కూకట్ పల్లి ఎమ్మెల్యే మాధవరం కృష్ణారావు నియోజకవర్గ పరిధిలోని డివిజనుల్లో పాదయాత్రను నిర్వహిస్తున్నారు. అందులో భాగంగా ఫతేనగర్ డివిజన్ కార్పొరేటర్ పండాల సతీశ్ గౌడ్ ఆధ్వర్యంలో 11వ రోజు యాత్రను డివిజనులో నిర్వహించారు. డివిజన్ బీఆర్ఎస్ మహిళా విభాగం అధ్యక్షురాలు గోకరి శిల్పా గౌడ్, మహిళా నేతలు అధిక సంఖ్యలో ఎమ్మెల్యే పాదయాత్రకు హాజరయ్యారు. ఆడబిడ్డలంతా కలిసి ఎమ్మెల్యేకు ఘన స్వాగతం పలికారు. ఈ సందర్భంగా శిల్పా గౌడ్ మాట్లాడుతూ మహిళా సంక్షేమానికి తెలంగాణ ప్రభుత్వం ఎంతగానో పాటుపడుతోందన్నారు. ఎమ్మెల్యేతో పాటు కార్పొరేటర్ మహిళా సమస్యల పరిష్కారం, వారి అభ్యున్నతికి తోడ్పాటునిస్తున్నారని తెలిపారు. మహిళలంతా ఎన్నికల్లో కారు గుర్తుకు ఓటేసి కేసీఆర్ ను మరోసారి సీఎంగా ఎన్నుకుంటారని ధీమా వ్యక్తం చేశారు.
ఈ కార్యక్రమంలో మహిళా నేతలు కృష్ణకుమారి, ఉమావతి గౌడ్, జ్యోతి గౌడ్, జయమ్మ, రహీమా, లక్ష్మి, సుగుణమ్మ, బాలమణి, సిద్ధమ్మ తదితరులు పాల్గొన్నారు.
#Kukatpally #BRS #Womens #Fatehnagar