మల్యాల బిజెపి ఆధ్వర్యంలో సంబరాలు..

మల్యాల, వార్తానిధి: ఉత్తరప్రదేశ్.. ఉత్తరాఖండ్.. గోవా.. మణిపూర్ రాష్ట్రాల అసెంబ్లీ ఎన్నికల్లో బిజెపి విజయకేతనం ఎగురవేసింది. ఈ సందర్భం పురస్కరించుకొని మల్యాల మండల బిజెపి ఆధ్వర్యంలో సంబరాలను నిర్వహించారు.

మల్యాల గ్రామ అంగడి చౌరస్తాలో నాయకులంతా మిఠాయిలు పంచుకొని శుభాకాంక్షలు తెలియజేసుకున్నారు. నాయకులు మాట్లాడుతూ తెలంగాణలో కూడా కమలం జెండా ఎగురుతుందని ధీమా వ్యక్తం చేశారు.

టిఆర్ఎస్ పార్టీకి ప్రత్యామ్నాయంగా బిజెపి ఎదుగుతుందని అన్నారు. వచ్చే ఎన్నికల్లో కాషాయ ప్రభంజనం జరుగుతుందని స్పష్టం చేశారు.

ఈ సంబరాల్లో మండల కన్వీనర్ వెంకటస్వామి, నాయకులు బొట్ల ప్రసాద్, ముదిగంటి రాజు, ఎంపీటీసీ రాచర్ల రమేష్, గుండేటి గంగారాం, గాజుల మల్లేశం, సోన్నాకుల శ్రీనివాస్, చక్రం, డబ్బు గోవర్ధన్ రెడ్డి, చంద్రశేఖర్, నీలం రవి, శ్రీనివాస్, ఆకోజి రమణ తదితరులు పాల్గొన్నారు.