ఆరవెల్లిలో దేవాలయ పనులకు శంఖుస్థాపన

 

జగిత్యాల జిల్లా, వార్తానిధి: జగిత్యాల జిల్లా పెగడపల్లి మండలం ఆరవెల్లి గ్రామంలో శ్రీ సత్యనారాయణ స్వామి దేవాలయ నిర్మాణ పనుల శంఖుస్థాపన కార్యక్రమం వైభవోపేతంగా జరిగింది.

దేవాలయ అర్చకులు కొత్తపెల్లి ఉమామహేశ్వర శర్మ ఆధ్వర్యంలో శంఖుస్థాపన ఘనంగా జరిపారు. గ్రామ ప్రజల సమక్షంలో దేవాలయ పనులకు శంఖుస్థాపన చేశారు.

ఆరవెల్లి సత్యనారాయణ స్వామి..

ఈ సందర్భంగా ఉమామహేశ్వర శర్మ మాట్లాడుతూ సుమారు మూడు దశాబ్దాల క్రితం పొలం దున్నుతుండగా స్వామివారి విగ్రహం వెలికివచ్చిందన్నారు. నేడు ఆలయ నిర్మాణ పనులు ప్రారంభం కావడం ఆనందంగా ఉందన్నారు.

నిర్మాణానికి సహకరిస్తున్న దాతలు, భక్తులు, ప్రజలందరిపై స్వామి వారి కరుణాకటాక్షాలు ఉంటాయని చెప్పారు.

ఈ కార్యక్రమంలో గ్రామ పెద్దలతో పాటు గ్రామస్తులు, దాతలు, ప్రజాప్రతినిధులు పాల్గొన్నారు.