విద్యార్థులకు గంజాయి చాక్లెట్ల విక్రయం!

 

బాలానగర్, వార్తానిధి: విద్యార్థులకు గంజాయి చాక్లెట్లను విక్రయిస్తున్న వ్యక్తిని బాలానగర్ పోలీసులు అరెస్టు చేశారు. వివరాల్లోకి వెళ్తే ఒడిస్సాకు చెందిన అనంతకుమార్ బారక్ అనే వ్యక్తి గంజాయి చాక్లెట్లను విక్రయిస్తున్నట్లు పోలీసులు గుర్తించారు. మొదటగా విద్యార్థులకు వాటిని ఉచితంగా అందించేవాడని, అనంతరం వారు అలవాటు పడ్డాక విక్రయించేవాడని పోలీసులు పేర్కొన్నారు. ఈ క్రమంలో పోలీసులు నిఘా ఉంచి నిందితుడిని అరెస్టు చేసినట్లు పోలీసులు పేర్కొన్నారు. చిన్నారుల పట్ల తల్లిదండ్రులు అప్రమత్తంగా ఉండాలని, యువత మత్తు పదార్థాల బారిన పడకూడదని పోలీసులు కోరుతున్నారు.