అదనపు గదుల నిర్మాణానికి స్థలం కేటాయించాలి : బొడ్డు రవి

తుర్కయంజాల్, వార్తానిధి: తర్కయంజాల్ మున్సిపాలిటీ పరిధిలోని ఇంజాపూర్ ప్రాథమిక పాఠశాల మన ఊరు-మన బడి పథకంలో ఎంపికైందని పాఠశాల ఉపాధ్యాయుడు బొడ్డు రవి తెలిపారు.

మున్సిపల్ చైర్ పర్సన్ మల్ రెడ్డి అనురాధ రాంరెడ్డి, వైస్ చైర్ పర్సన్ గుండ్లపల్లి హరిత ధనరాజ్ గౌడ్ ను సోమవారం మర్యాదపూర్వకంగా కలిశారు.

ఈ సందర్భంగా పాఠశాల నూతన భవన నిర్మాణం.. అదనపు గదుల నిర్మాణం కోసం స్థలం కేటాయించాలని కోరుతూ వినతి పత్రాన్ని అందజేశారు. 

అనంతరం బొడ్డు రవి మాట్లాడుతూ ఆట స్థలాన్ని కూడా కేటాయించాలని మున్సిపల్ చైర్మన్, వైస్ చైర్మనులను కోరామన్నారు. మౌలిక వసతులను మెరుగుపరచాలని విన్నవించినట్లు వెల్లడించారు.