అనేక మంది కార్యకర్తలకు స్ఫూర్తి ప్రదాత : బండి సంజయ్

తమలాంటి అనేక మంది కార్యకర్తలకు స్ఫూర్తి ప్రదాత గవర్నర్ బండారు దత్తాత్రేయ అని బిజెపి తెలంగాణ రాష్ట్ర అధ్యక్షుడు బండి సంజయ్ కుమార్ అన్నారు.

దత్తాత్రేయ ఆధ్వర్యంలో ఆదివారం నిర్వహించిన అలయ్ బలయ్ కార్యక్రమంలో సంజయ్ పాల్గొన్నారు. ఈ సందర్భంగా ఆయన మాట్లాడుతూ దత్తాత్రేయ అనగానే రెండు పండుగలు గుర్తొస్తాయన్నారు.

ఒకటి హోలీ, రెండోది అలయ్ బలయ్ అని చెప్పారు. హోలీ పండుగను దత్తాత్రేయ చాలా గొప్పగా నిర్వహిస్తారని అన్నారు.

ఢిల్లీకి రాజైనా తల్లికి బిడ్డే అన్నట్లు కేంద్రమంత్రి అయినా, గవర్నర్ అయినా, తెలంగాణ సంస్కృతి సంప్రదాయాలను రాబోయే తరాలకు అందించాలని దత్తాత్రేయ భావిస్తారన్నారు.

ఆ ఉద్దేశంతో 16 సంవత్సరాలుగా అలయ్ బలయ్ నిర్వహిస్తున్నారని పేర్కొన్నారు. ప్రజల మధ్య అంతరాలు తగ్గించి.. సమాజాన్ని సంఘటితం చేయడం కోసం ఆయన కృషి చేస్తున్నారని తెలిపారు.