ఆర్టీసీ ఎండీ సజ్జనార్ మరో సంచలన నిర్ణయం!

 

తెలంగాణ : తెలంగాణ ఆర్టీసి ఎండీ విసి సజ్జనార్ మరో సంచలన నిర్ణయం తీసుకున్నారు. వేడుకల కోసం బస్సులను బుక్ చేసుకోవాలనుకునే వారి కోసం డిపాజిట్ అవసరం లేకుండా బుకింగ్ చేసుకునే సౌకర్యాన్ని అందుబాటులోకి తీసుకొచ్చారు.

గతంలో వివాహ కార్యక్రమాలతో పాటు ఇతర వేడుకల కోసం ఆర్టీసీ బస్సును బుక్ చేసుకోవాలంటే డిపాజిట్ కట్టాల్సి వచ్చేది. తాజాగా తీసుకున్న నిర్ణయంతో డిపాజిట్ లేకుండానే బస్సును బుక్ చేసుకునే అవకాశాన్ని టీఎస్ఆర్టీసీ అందుబాటులోకి తీసుకొచ్చింది. 

బస్సుల కోసం సంబంధిత డిపో మేనేజర్లను సంప్రదించాలని సూచించింది. ఆర్టీసీ తీసుకున్న ఈ నిర్ణయంతో ప్రజలు హర్షం వ్యక్తం చేస్తున్నారు.