బాల్కొండ‌లో కోటి హ‌నుమాన్ చాలీసా పారాయ‌ణం

 

నిజామాబాద్ జిల్లా, వార్తానిధి: బాల్కొండ గ్రామం లో 108 రోజులుగా అమృత ధార జన చైతన్య సేవ సంస్థ ఆధ్వర్యంలో జరుగుతున్న కోటి హనుమాన్ చాలీస పారాయణం చివరి ఘట్టానికి చేరుకుంది. అగస్ట్ 4 వ తారీఖు నుంచి నవంబర్ 19 శుక్రవారం కార్తీక పౌర్ణిమ వరకు కోటి హనుమాన్ చాలీస పారాయణం, మన్యం సూక్త మహా యాగం జరుగుతున్నాయి. 

ఈ కార్యక్రమంలో ఇప్పటి వరకు రాష్ట్ర నలుమూలల నుంచి 73 వేల మంది రిజిస్ట్రేషన్ ద్వారా వర్చువల్ గా పాల్గొన్నారని "అమృత ధార జన చైతన్య సేవ సంస్థ" నిర్వాహకులు తెలిపారు. ఈ నెల 20వ తేదీ శనివారం బాల్కొండ‌లోని అయ్యప్ప గుడి ప్రక్కన గల గ్రౌండ్ లో సాయంత్రం 6:00 గంటలకు 10,000 జంటలతో సామూహిక హనుమాన్ చాలీస పారాయణం, సాంస్కృతిక కార్యక్రమాలు జరుగుతాయని వెల్ల‌డించారు.

ముఖ్య ఆహ్వానితులుగా శ్రీ శ్రీ శ్రీ దుర్గా ప్రసాద్ స్వామి వారు (అఖిల భారత మనుమాన్ దీక్ష పీఠాధిపతి) పాల్గొంటున్నారని నిర్వాహకులు హరాచారి నారాయణ తెలిపారు..