కార్తీక మాసంలో భక్తి టీవీ నిర్వహించే కోటి దీపోత్సవం కార్యక్రమానికి ఎంతో పేరుందన్న విష‌యం తెలిసిందే. ఎన్నో ఏళ్లుగా న‌రేంద్ర చౌద‌రి ఈ కార్య‌క్ర‌మాన్ని చాలా ప్ర‌తిష్టాత్మ‌కంగా నిర్వ‌హిస్తున్నారు.
కాంతి జ్ఞానానికి చిహ్న‌మ‌నీ, అందుకే కోటి దీపాల కాంతుల‌తో భ‌గ‌వంతుణ్ణి జ్యోతి రూపంలో ఆరాధిస్తే మ‌న‌తో పాటు మ‌న చుట్టు ప‌క్క‌ల వారికి కూడా ఎంతో మేలు జ‌రుగుతుంద‌నే ఉద్ధేశ్యంతో కోటి దీపోత్స‌వాన్ని అంగ‌రంగ వైభవంగా నిర్వ‌హిస్తున్నారు.
గ‌తేడాది కోవిడ్ కార‌ణంతో దీపోత్స‌వానికి బ్రేక్ ప‌డింది. మ‌ళ్లీ సెకండ్ వేవ్ రూపంలో క‌రోనా విజృంభించ‌డం, కోటి దీపోత్సవం లేకుండానే కార్తీక మాసం అయిపోవ‌డం జ‌రిగింది.
దీంతో ఈ యేడాది ఎలా అయినా స‌రే కోటి దీపోత్స‌వాన్ని అంగ‌రంగ వైభవంగా జ‌ర‌పాల‌ని న‌రేంద్ర చౌద‌రి నిర్ణ‌యించుకున్న‌ట్లు తెలుస్తోంది.
ఇప్ప‌టికే అందుకు సంబంధించిన ప‌నుల‌ను కూడా మొద‌లుపెట్టార‌ని, న‌వంబ‌ర్ రెండ‌వ వారంలో కోటి దీపోత్సవం మొద‌లుకానుంద‌ని స‌న్నిహిత వ‌ర్గాల నుంచి స‌మాచారం.